സഹജീവിയോടു നന്മ ; സമ്മതമല്ലേ നമുക്ക്

ജീവിക്കുന്ന ഈ ലോകം കാണാതെ വീര്‍പ്പുമുട്ടുന്ന എത്രയോ പേര്‍ക്ക് കാഴ്ച നല്‍കിയേക്കാവുന്ന എത്രയോ കണ്ണുകള്‍ നിത്യേന ഇവിടെ മണ്ണോടുചെരുന്നു. ഒരു മനുഷ്യശരീരത്തില്‍ എട്ടു പേര്‍ക്ക് എങ്കിലും ജീവന്‍ നിലനിര്‍ത്താനുള്ള പ്രധാന അവയവങ്ങളുണ്ട് . വീണ്ടും ഉപയോഗിക്കാവുന്ന മുപ്പതിലേറെ ശരീര ഭാഗങ്ങള്‍ വേറെയും . നമ്മുടെ ആയുസ്സിനു ശേഷം അവ മറ്റാര്കെങ്കിലും ഉപകരിക്കുമെങ്കില്‍ അതില്പരം പുണ്യം മറ്റെന്തുണ്ട്.?
വിദേശ രാജ്യങ്ങളില്‍ പലയിടത്തും സര്‍ക്കാര്‍ തലത്തില്‍ അവയവ ബാങ്ക് സംവിധാനമുണ്ട് . മസ്തിഷ്ക മരണം സംഭവിക്കുന്നവരുടെ അവയവങ്ങള്‍ ശേഖരിച്ചു നല്‍കുന്ന ഈ മാതൃക തമിഴ്നാടും ആന്ധ്രാപ്രദേശും നടപ്പാക്കുന്നു.
കേരള സര്‍ക്കാര്‍ നിയോഗിച്ച കമ്മീഷന്‍ ,തമിഴ്നാട് മാതൃക പഠിച്ചു രൂപീകരിച്ച പദ്ധതിയാണ് "മൃതസഞ്ജീവനി" .അവയവദാനതിനു സന്നധരായവരുടെ സമ്മത പത്രം ശേഖരിക്കുകയാണ് ആദ്യ ഘട്ടം .
അങ്ങനെ സന്മനസ്സുള്ളവര്‍ക്ക് വേണ്ടി മലയാളമനോരമയുടെ സമ്മതപത്രം ഇവിടെനിന്നും ഡൌണ്‍ലോഡ് ചെയ്യാം. 

അവയവ ദാനത്തില്‍ പങ്കാളിയാകൂ